• Haqqımızda
  • Reklam
  • Əlaqə

Тестовый сайт

  • Gündəm
  • Siyasət
  • İqtisadiyyat
  • Sosial
  • Mədəniyyət
  • Səhiyyə
  • Təhsil
  • Dünya
  • İdman
  • Bölgə
  • Müsahibə
  • Kriminal
  • Şou
  • Maraqlı
  • Video

Kamran Bayramov: “Avropa Parlamenti Azərbaycana qarşı qərəzli mövqeyini bir daha ortaya qoydu”

Tarix : 21-01-2023, 11:36 Oxunub : 16 Bölmə :gundem / manset
Kamran Bayramov: “Avropa Parlamenti Azərbaycana qarşı qərəzli mövqeyini bir daha ortaya qoydu”
“Avropa Parlamentinin 18 yanvar tarixində qəbul edilmiş qətnaməsində reallıqlardan tamam uzaq, böhtan mahiyyətli bir sıra anti-Azərbaycan xarakterli bəndlər yer alıb. Müasir dövrdə demokratiya çətiri altında hələ də özünün imperialist siyasətini yürüdən bəzi aparıcı dövlətlərin, eləcə də müəyyən təşkilatların ikili standartları demokratik ideallara kölgə salır. Təəssüf ki, ölkəmizə qarşı qərəzli qətnamələrin üzə çıxması hallarına bundan əvvəllər də rast gəlmişik. Avropa Parlamentinin qəbul etdiyi qətnamə qeyri-obyektivliyi ilə xüsusilə seçilir. Qətnamədə Azərbaycanın guya Ermənistana hərbi təcavüz etməsi, Laçın yolunun guya blokadada olması kimi sərsəm iddialarla yanaşı, artıq tarixin zibilliyində itib-batmış “Madrid prinsipləri”nə istinadlar edilib”.

Bu fikirləri Oxu.Az-a açıqlamasında Milli Məclisin deputatı Kamran Bayramov bildirib.

Millət vəkili qeyd edib ki, Avropa Parlamenti üzvlərinə yaxşı bəllidir ki, Azərbaycanın onilliklərdir işğal altında qalan ərazilərində Ermənistan tərəfinin apardığı qeyri-qanuni fəaliyyət nəticəsində bütün tarixi, mədəni və dini irs tamamilə məhv edilib:

“Azərbaycan torpaqlarının Ermənistan tərəfindən işğal altında saxlanıldığı, yüzminlərlə azərbaycanlının etnik təmizləməyə məruz qaldığı, Azərbaycanın şəhər və kəndlərinin sistematik şəkildə yer üzündən silindiyi və sərvətlərinin talan edildiyi 30 il ərzində bu parlament yalnız susub. Erməni vəhşiliyi Azərbaycan tərəfindən beynəlxalq platformalarda, o cümlədən Avropa İttifaqı institutları qarşısında davamlı şəkildə qaldırılsa da, Avropa Parlamentinin üzvlərinin bu günədək bu məsələ ilə bağlı bir dənə də olsun bəyanat verməməsi ikili standartların bariz göstəricisidir”.

Deputat diqqətə çatdırıb ki, qərəzli qətnaməni imzalayanlar Avropa Parlamentindəki bəzi qrupların erməni lobbisinin və ermənipərəst qüvvələrin təsiri altında olduqlarını açıq aydın nümayiş etdirirlər:

“Bu gün Ermənistanda bəzi dairələr və onları dəstəkləyən qüvvələr revanşist planlar qurur, bir daha regionu fəlakət girdabına sürükləmək xəyalları ilə yaşayırlar. Sərhəddə təxribatlar törədilir, Laçın dəhlizi vasitəsilə yaraqlıların və hərbi təyinatlı yüklərin, o cümlədən narkotiklərin və minaların daşınması təşkil edilir. Rusiya sülhməramlı qüvvələrinin müvəqqəti məsuliyyət dairəsinə aid edilmiş ərazidə təbii sərvətlərin qanunsuz istismarı hələ də davam etdirilir. Azərbaycanın dövlət qurumları nümayəndələrinin və mütəxəssislərin monitorinq məqsədilə əraziyə girişinə maneçilik törədilməsi səbəbindən vətəndaş cəmiyyəti nümayəndələrinin və ekoloqların Laçın-Xankəndi yolunda dinc etiraz aksiyası bir aydan artıqdır davam edir. Avropa Parlamentinin qətnaməsində iddia edilənlərin əksinə olaraq Laçın dəhlizi Rusiya sülhməramlılarının daşıdığı humanitar yüklər, Beynəlxalq Qırmızı Xaç Komitəsinin nümayəndələrinin, eləcə də Qarabağda yaşayan ermənilərin, həmçinin uşaqların və xəstələrin gediş-gəlişi üçün açıqdır. Qətnamədə göstərilən, guya Azərbaycanın Qarabağ ərazisinə təbii qaz verilməsinə əngəl olmasıyla bağlı iddialar isə ağ yalandır”.

K.Bayramov bildirib ki, 44 günlük Vətən müharibəsindən sonra Azərbaycanın üzləşdiyi mina terroru nəticəsində 300-ə qədər Azərbaycan vətəndaşının partlayışların qurbanına çevrilməsi, 10 noyabr 2020-ci il üçtərəfli bəyanatın şərtlərinə zidd olaraq Ermənistan qoşunlarının Azərbaycan ərazilərindən tam şəkildə çıxarılmaması, Azərbaycanın qərb rayonları ilə Naxçıvanı birləşdirəcək yolun hələ də açılmaması və bütün bunların Avropa Parlamentinin yadına belə düşməməsi haqlı olaraq suallar doğurur:

“Avropa Parlamenti unudur ki, onun üzvü olan ölkələrin bir çoxunun enerji təminatçısı məhz Azərbaycandır və bu ölkə qlobal enerji layihələrinin müəllifi kimi regionda əsas söz sahibidir. Xatırladaq ki, vaxtilə Avropa Parlamenti Cənub Qaz Dəhlizi layihəsinə qarşı çıxmışdı. Lakin, zaman, Cənub Qaz Dəhlizinin Avropanın enerji təhlükəsizliyi üçün vacib olduğunu sübut etdi.

Azərbaycanofob, islamofob Avropa Parlamentinin anti-Azərbaycan mövqeyinə rəğmən, 2022-ci il 18 iyul tarixində Avropa Komissiyasının Prezidenti Ursula von der Leyenin Bakıya səfəri zamanı Azərbaycan ilə Avropa İttifaqı arasında enerji sahəsində əməkdaşlığa dair anlaşma memorandumu və həmin ilin 17 dekabr tarixində Buxarestdə Azərbaycan, Gürcüstan, Rumıniya və Macarıstan arasında yaşıl enerji sahəsində strateji tərəfdaşlıq anlaşması imzalandı. Bu isə o deməkdir ki, Azərbaycana qarşı olan qüvvələrin apardığı qarayaxma həmlələrinə baxmayaraq, Azərbaycan və Avropa İttifaqı arasında qarşılıqlı əməkdaşlıq davam edəcək”.

Sayad Həsənli
Ana səhifəyə qayıt

Oxşar xəbərlər:

  • İlham Əliyev Avropa Parlamentinin Xarici Əlaqələr Komitəsinin sədrini qəbul etdi

    İlham Əliyev Avropa Parlamentinin Xarici Əlaqələr ...

    19-07-2022, 11:21

  • Avropa Parlamenti sirklərdə heyvanlardan istifadəni qadağan etməyə çağırır

    Avropa Parlamenti sirklərdə heyvanlardan ...

    17-12-2021, 08:55

  • Avropa Parlamenti bu ölkələrlə bağlı Aİ-yə çağırış etdi

    Avropa Parlamenti bu ölkələrlə bağlı Aİ-yə ...

    12-02-2021, 12:32

  • Milli Məclisin mətbuata açıqlaması

    Milli Məclisin mətbuata açıqlaması ...

    30-03-2019, 10:21

  • Avropa Parlamenti Azərbaycanda seçkiləri müşahidə etməyəcək

    Avropa Parlamenti Azərbaycanda seçkiləri müşahidə ...

    9-03-2018, 12:45



все шаблоны для dle на сайте newtemplates.ru скачать


  • ABŞ Rusiyaya qarşı sanksiyaları genişləndirir

    ABŞ Rusiyaya qarşı sanksiyaları genişləndirir

  • Bu gün Azərbaycan Gəncləri Günüdür

    Bu gün Azərbaycan Gəncləri Günüdür

  • Ötən il ən çox ixrac etdiyimiz məhsulun adı açıqlandı

    Ötən il ən çox ixrac etdiyimiz məhsulun adı açıqlandı

  • Bakıda kütləvi təqaüdə qeydiyyat başlandı

    Bakıda kütləvi təqaüdə qeydiyyat başlandı

  • Azərbaycan səfiri etimadnaməsini Əlcəzair Prezidentinə təqdim edib

    Azərbaycan səfiri etimadnaməsini Əlcəzair Prezidentinə təqdim edib

  • Bakıdakı partlayışda xəsarət alan şəxsin son vəziyyəti açıqlandı

    Bakıdakı partlayışda xəsarət alan şəxsin son vəziyyəti açıqlandı

  • İlham Əliyev ABŞ Dövlət katibinin nümayəndəsini qəbul edib

    İlham Əliyev ABŞ Dövlət katibinin nümayəndəsini qəbul edib

  • Azərbaycanda kredit faizləri yenidən artacaq?

    Azərbaycanda kredit faizləri yenidən artacaq?

  • BQXK-ya və sülhməramlılara məxsus maşınlar Xankəndi yolunda maneəsiz hərəkət ediblər - YENİLƏNİB

    BQXK-ya və sülhməramlılara məxsus maşınlar Xankəndi yolunda maneəsiz hərəkət ediblər - YENİLƏNİB

  • Gözlənilən əfvdə kimlər amnistiyaya düşəcəklər? - “Biz şəxsin günahsız olub-olmadığına baxmırıq”

    Gözlənilən əfvdə kimlər amnistiyaya düşəcəklər? - “Biz şəxsin günahsız olub-olmadığına baxmırıq”

  • YAŞADAN YAŞAYIR...

    YAŞADAN YAŞAYIR...

  • “HEYDƏR ƏLİYEV İLİ-100”

    “HEYDƏR ƏLİYEV İLİ-100”

  • Vətən üçün yaşanan ömür -Tural Hüseynov

    Vətən üçün yaşanan ömür -Tural Hüseynov

  • Səfər Mehdiyev həbsdəki işçiləri ilə üzləşdirildi

    Səfər Mehdiyev həbsdəki işçiləri ilə üzləşdirildi

  • Aleksey Danilov: “Rusiya maksimum eskalasiyaya hazırlaşır”

    Aleksey Danilov: “Rusiya maksimum eskalasiyaya hazırlaşır”

  • Nazir müavini: “Azərbaycanda aqrar sektor bütün növ vergi ödəmələrindən azaddır”

    Nazir müavini: “Azərbaycanda aqrar sektor bütün növ vergi ödəmələrindən azaddır”

    © Copyright 2019, Bütün hüquqlar qorunur!