Rusiyanın Tehrandakı səfirliyi İrana səyahət edən rusiyalı turistlərə mühüm xəbərdarlıq edib.

“Qafqazinfo” xəbər verir ki, bu barədə səfirlik özünün rəsmi teleqram kanalında bəyanat yayıb.

Bəyanatda rusiyalı vətəndaşlara İranda səfərdə olduqları müddətdə foto və videoçəkilişlərdən çəkinmək tövsiyə olunub.

Diplomatik nümayəndəlik bildirir ki, bu tövsiyə mümkün insidentlərin və ya qəsdən edilə biləcək qanun pozuntularının qarşısını almaq məqsədi daşıyır.

Bəyanatda qeyd olunub ki, turistlərdən yerli qanunvericiliyə ciddi riayət etmələri, diqqətli və sayıq davranmaları tələb edilir.