ABŞ prezidenti Donald Tramp bildirib ki, Vladimir Putinlə Helsinkdə keçirdiyi danışıqlar həyatının ən yaxşı görüşü olub.

ulusestv.az Oxu.Az-a istinadən xəbər verir ki, Ağ Ev rəhbəri liderlərin görüşünün “boksçuların döyüşü” formasında keçirilməsinin tərəfdarı olan düşmənlərini də tənqid edib.

“Onlar məndən istəyirdilər ki, bu, boksçuların döyüşü kimi keçirilsin. Bizim görüşümüz möhtəşəm oldu, Suriya, Ukraynanı, yaxşı işləri müzakirə etdik. Ancaq onlar deyirdilər: “Bu, dəhşət idi”. Mən soruşdum: “Dəhşət olan nədir? Bu, möhtəşəm görüş idi”, - Tramp Montano ştatının Billinqs şəhərində tərəfdarları ilə görüşündə deyib.

Xatırladaq ki, liderlər arasında görüş iyulun 16-da Helsinkidə keçirilib. Putin və Tramp arasında yeni görüş planlaşdırılmır, ancaq istisna deyil ki, onlar noyabrda Sinqapurda keçiriləcək beynəlxalq forum çərçivəsində görüşəcək.