Kolumbiyanın cənub-qərbində yerləşən Kauk departamentində partlayış baş verib.

“Qafqazinfo” xəbər verir ki, partlayış nəticəsində 20 nəfər ölüb, 36 nəfər isə yaralanıb.

Bildirilib ki, həyatını itirənlərin 15-i qadın, 5-i kişidir.

Hadisəyə görə, regionda üç günlük matəm elan olunub.

Partlayış nəticəsində Panamerika şosesində təxminən 200 kubmetr həcmində krater yaranıb.

“Caracol” nəşrinin Kolumbiya hərbi komandanlığına istinadən verdiyi məlumata görə, terror aktlarına görə “Xayme Martinez” qruplaşması məsuliyyət daşıyır.