Ultra sağçı, Rusiya tərəfdarı olan rumın siyasətçi Kelin Corcesku Ukraynanı uydurma dövlət adlandırıb və onun qonşu ölkələr arasında bölünməsinin qaçılmaz olduğunu bildirib.

Qaynarinfo xəbər verir ki, bu barədə o, jurnalist İon Krista ilə müzakirəsi zamanı deyib.

Corcesku Ağ Evdən diktə edilən yeni dünya bölgüsündən danışarkən, sülh razılaşmasından sonra Ukrayna ərazilərinin bölünməsi və bunun Rumıniya üçün faydaları barədə arzularını dilə gətirib.

"Dünya dəyişir. Sərhədlər dəyişəcək. Daha da önəmlisi – əgər sərhədlər dəyişsə, biz harada olacağıq? Şimali Bukovina – maraq dairəmizdir. Bujak, Şimali Maramureş – elə deyilmi? Keçmişdə... necə adlanırdı... Zakarpatiya! Burada macarlar var... Lvov isə polyakların olacaq və Malorossiya..." – deyə Corcesku bildirib.

Ətraflı
Ad - 00:27
Siyasətçidən Ukraynanın bölünəcəyinə inanıb-inanmadığını soruşduqda, o, qəti cavab verib:

"Yüz faiz belə olacaq. Onların başqa yolu yoxdur! Belə bir senariyə gedən yol qaçılmazdır. Ukrayna uydurma dövlətdir. Bu, Ukrayna Sovet Sosialist Respublikasıdır", – deyə o vurğulayıb.

Bundan əvvəl Corcesku bildirmişdi ki, hakimiyyətə gəldiyi halda Ukrayna taxılının Rumıniya vasitəsilə ixracını və Kiyevə hərbi yardımın davam etdirilməsini qadağan edəcək.

Corcesku may ayında keçiriləcək təkrar prezident seçkiləri ərəfəsində ən populyar namizəd olaraq qalır.

Alpər