Dövlət Gömrük Komitəsinin Biləsuvar Gömrük İdarəsi Əməliyyat və Təhqiqat Şöbəsinin rəisi Cəfərov Mahir Sabir oğlu vəzifəsindən azad olunub.

“Qafqazinfo” Unikal-a istinadən xəbər verir ki, bununla bağlı Dövlət Gömrük Komitəsinin sədri general-leytenant Şahin Bağırov əmr imzalayıb.

Şöbə rəisi vəzifəsinə hələlik təyinat edilməyib.

***

“Qafqazinfo”nun əldə etdiyi məlumata görə, Dövlət Gömrük Komitəsi tərəfindən Biləsuvar Gömrük İdarəsində keçirilmiş əməliyyat tədbirləri zamanı külli miqdarda qaçaqmal aşkar edilib.