Azərbaycanın hər bir bölgəsində, hər bir kəndində vətənə sədaqət, xeyirxahlıq və insanpərvərlik kimi dəyərləri həyat prinsipi seçmiş insanlar var. Onların fəaliyyəti bəzən səssiz, lakin bir o qədər təsirli və mənalı olur. Belə vətəndaşlardan biri də əslən Azərbaycanın füsunkar təbiəti, saf havası və vətənpərvər insanları ilə tanınan Lerik rayonunun Kürdəsər kəndindən olan İqrar Həsənovdur. O, həyat fəlsəfəsini dövlətə, xalqa və insanlığa xidmət üzərində qurmuş bir şəxsiyyət kimi tanınır.
İqrar Həsənov illərdir ki, dövlətinə sadiq vətəndaş kimi çalışır, cəmiyyətin inkişafı üçün səssiz, lakin dərin iz buraxan addımlar atır. O, sadəcə bir vətəndaş kimi deyil, həm də vətənpərvərlik nümunəsi kimi tanınır. Onun həyat amalında dövlətçilik prinsipləri, milli-mənəvi dəyərlərə bağlılıq və insanlara sevgi xüsusi yer tutur.
İqrar Həsənovun fəaliyyətində əsas xətt dövlətə sədaqət və dövlətçiliyin qorunmasıdır. O, hesab edir ki, bu gün müstəqil Azərbaycanın əldə etdiyi uğurlar, xalqımızın birliyi və gücü məhz Prezident İlham Əliyevin rəhbərliyi ilə həyata keçirilən düşünülmüş siyasətin nəticəsidir. İqrar müəllim hər zaman bu siyasəti dəstəkləyir, dövlətin həyata keçirdiyi sosial və iqtisadi layihələrdə vətəndaş mövqeyi ilə iştirak edir.
Onun üçün dövlət sadəcə idarəetmə sistemi deyil, xalqın iradəsinin, milli qürurun və azadlığın rəmzidir. Bu səbəbdən o, hər zaman dövlət maraqlarını şəxsi maraqlarından üstün tutur və gənc nəslə də bu prinsipi aşılayır.
Azərbaycan xalqının ən müqəddəs dəyərlərindən biri şəhidlikdir. 44 günlük Vətən müharibəsində qəhrəman oğullarımızın göstərdiyi igidlik nəticəsində torpaqlarımız azad olundu. Bu zəfər həm də xalqımızın birlik və vətən sevgisinin təntənəsi idi.
İqrar Həsənov bu qəhrəmanlığın qədrini bilən, şəhid ailələrinə və qazilərə daim dayaq duran insanlardandır. O, dəfələrlə şəhid ailələrini ziyarət etmiş, onların qayğıları ilə maraqlanmış, müxtəlif humanitar və maddi dəstək aksiyalarında iştirak etmişdir. Onun üçün bu, sadəcə vəzifə deyil, mənəvi borcdur.
O deyir ki, “Vətən uğrunda canını fəda edən hər bir şəhidin ailəsi bizim öz ailəmizdir, onların dərdi bizim dərdimizdir.” Bu düşüncə tərzi İqrar Həsənovu fərqləndirən əsas insani keyfiyyətlərdəndir.
İqrar Həsənovun fəaliyyətində xeyirxahlıq xüsusi yer tutur. O, yardıma ehtiyacı olan insanlara biganə qalmır, sosial vəziyyəti ağır ailələrə dəstək olur, imkansız ailələrin uşaqlarına geyim və məktəb ləvazimatı yardımı göstərir.
Xeyirxah əməllərini reklam və nümayiş məqsədilə deyil, sırf insanlıq borcu kimi yerinə yetirir. Onun haqqında danışanlar bildirirlər ki, İqrar müəllim hər bir yaxşı əməlini sükutla, təmənnasız şəkildə edir. Bu, onun mənəvi böyüklüyündən və təvazökarlığından xəbər verir.
Əslən Lerikin Kürdəsər kəndindən olan İqrar Həsənov bu diyarın təbiətini, insanlarının səmimiyyətini və vətən sevgisini öz şəxsiyyətində birləşdirib. Lerik həm təbiətinin gözəlliyi, həm də insanlarının dürüstlüyü və mərdliyi ilə tanınır. İqrar müəllim də bu keyfiyyətləri öz həyat tərzinə çevirib.
O, doğma kəndinə, torpağına, soy-kökünə bağlı insandır. Tez-tez kəndinə baş çəkir, oradakı insanlarla görüşür, kəndin sosial problemləri ilə maraqlanır. Onun fikrincə, öz kökünə bağlı olmayan insanın dövlətə də sədaqəti ola bilməz.
İqrar Həsənov həm də gənc nəsil üçün örnək şəxsdir. O, gəncləri vətənpərvər, savadlı, dövlətinə sədaqətli olmağa çağırır. İctimai fəaliyyətlərində daim milli dəyərlərin qorunmasını, elmə və təhsilə diqqətin artırılmasını önə çəkir.
Onun həyat yolu gənclərə göstərir ki, həqiqi vətənpərvərlik təkcə silahla deyil, həm də əməl, əxlaq və xidmətlə ölçülür.
İqrar Həsənovun həyat mövqeyi, fəaliyyəti və insani dəyərləri onun cəmiyyətimiz üçün nə qədər dəyərli bir sima olduğunu sübut edir. O, dövlətinə sadiq, vətənpərvər, şəhid ailələrinin və qazilərin dayağı, xeyirxah və fədakar bir insandır.
Belə insanlar Azərbaycanın bugünkü mənəvi sütunlarını təşkil edir. Onların sədaqəti, insanpərvərliyi və vətən sevgisi sayəsində ölkəmiz daha da güclənir, birliyimiz möhkəmlənir.
İqrar Həsənov kimi vətəndaşlar Azərbaycanın mənəvi sərvəti, xalqın qüruru və dövlətçiliyimizin dayağıdır.

Şamil Cəfər
AYB və AJB-nin üzvü