Tərtər rayonunda səhiyyə sisteminin inkişafı, vətəndaşların sağlamlığının qorunması və tibbi xidmətlərin keyfiyyətinin yüksəldilməsi istiqamətində böyük işlər görülür. Bu uğurların mərkəzində dayanan, peşəkarlığı, təşkilatçılıq bacarığı və insanpərvərliyi ilə seçilən şəxslərdən biri də Tərtər Rayon Mərkəzi Xəstəxanasının direktoru Sərxan Cəlahanidir. Onun uzun illər ərzində səhiyyə sahəsində qazandığı təcrübə, fədakarlıqla göstərdiyi xidmətlər və vətəndaşlara qayğıkeş münasibəti həm əməkdaşlar, həm də rayon ictimaiyyəti tərəfindən yüksək qiymətləndirilir.

Turkdunyasi.az xəbər verir ki, təəssüf ki, son dövrlərdə bəzi "YouTube kanalında" və "TikTok sosial platformasında" Sərxan həkim haqqında qərəzli və əsassız məlumatlar yayımlanır. Bu cür video materialların məqsədi onun peşəkar fəaliyyətinə kölgə salmaq, nüfuzuna zərbə vurmaqdır. Halbuki, Tərtər kimi strateji əhəmiyyətə malik bir bölgədə səhiyyə sisteminin inkişafı, xəstəxananın müasir səviyyədə idarə olunması və vətəndaşların sağlamlıqla bağlı narahatlıqlarının azaldılması məhz Sərxan Cəlahaninin düzgün idarəetmə prinsipləri nəticəsində mümkün olmuşdur. Onun fəaliyyətinə yaxından bələd olan hər kəs bilir ki, Sərxan həkim vicdanla, dürüstlük və məsuliyyətlə işinə yanaşan, hər bir vətəndaşın sağlamlığını ön planda tutan bir rəhbərdir.
Sərxan Cəlahani, ilk növbədə, Azərbaycan Respublikasının Prezidenti cənab İlham Əliyevin müəyyən etdiyi dövlət siyasətinə sadiq bir vətəndaşdır. O, səhiyyə sahəsində aparılan islahatların, tibbi xidmətlərin keyfiyyətinin yüksəldilməsi və regionlarda müasir tibb infrastrukturunun qurulması istiqamətində atılan addımların Tərtər rayonunda uğurla həyata keçirilməsinə çalışır. Sərxan həkim üçün dövlət başçısının “Xalq dövlət üçün deyil, dövlət xalq üçündür” prinsipi fəaliyyətinin əsas meyarıdır. Onun rəhbərliyi ilə xəstəxanada yaradılan şərait, tibbi personalın peşəkar inkişafına göstərilən dəstək və xəstələrə göstərilən yüksək səviyyəli xidmət bu siyasətin praktik təzahürüdür.

Xəstəxananın maddi-texniki bazasının möhkəmləndirilməsi, yeni tibbi avadanlıqların gətirilməsi, həkimlərin ixtisasartırma kurslarına göndərilməsi, şəhid ailələri və qazilər üçün ödənişsiz tibbi xidmətlərin təşkil olunması Sərxan Cəlahaninin rəhbərliyi dövründə daha da genişlənmişdir. O, hər zaman şəhid ailələrinə, müharibə iştirakçılarına və sosial həssas təbəqədən olan insanlara xüsusi diqqət və qayğı ilə yanaşır. Onun üçün bu, sadəcə vəzifə borcu deyil, həm də mənəvi bir missiyadır.
44 günlük Vətən müharibəsində tibb işçilərinin üzərinə böyük məsuliyyət düşürdü. O ağır günlərdə Sərxan həkim rəhbərliyi ilə əsl fədakarlıq nümunəsi göstərdi. Gündəlik fəaliyyəti yalnız tibbi yardım göstərməklə məhdudlaşmır, həm də yaralı əsgərlərin və mülki şəxslərin həyatının xilasına yönəlmişdi. Bu dövrdə onun soyuqqanlılığı, məsuliyyət hissi və təşkilatçılıq bacarığı sayəsində bir çox həyatların xilas olunmasına nail olundu.
Sərxan Cəlahani həm də insanlara hörmət və etimad əsasında rəhbərlik edən bir şəxsdir. Onun rəhbərlik üslubunda ədalət, şəffaflıq və səmimiyyət əsas yer tutur. Xəstəxana əməkdaşları onu həm rəhbər, həm də dost kimi qəbul edir. Hər bir tibb işçisi bilir ki, onların arxasında dayanan ədalətli və qayğıkeş bir direktor var. Bu isə iş mühitində qarşılıqlı hörmət və məsuliyyət hissini daha da möhkəmləndirir.

Bütün bu müsbət keyfiyyətlərə baxmayaraq, bəzi mətbuat orqanlarında yayılan böhtan xarakterli məlumatlar Sərxan həkim kimi dövlətinə və xalqına sadiq bir ziyalının nüfuzuna xələl gətirmək məqsədi daşıyır. Lakin reallıq ondan ibarətdir ki, onun gördüyü işlər, qazandığı etimad və xalqa xidməti bütün bu qarayaxma cəhdlərini boşa çıxarır. Xalqın gözü tərəzidir — və bu gün Tərtər camaatı yaxşı bilir ki, Sərxan Cəlahani rayonda səhiyyə sisteminin inkişafına öz əməli fəaliyyəti ilə töhfə verir.
Onun rəhbərliyi ilə xəstəxanada həyata keçirilən islahatlar, həkimlər və tibb bacıları arasında peşəkarlığın artırılması, xidmətlərin vətəndaş məmnunluğuna uyğun qurulması bir daha göstərir ki, Sərxan Cəlahani səhiyyə sahəsində dövlət siyasətinin layiqli daşıyıcısıdır.
Bu gün Sərxan həkim haqqında yayılan əsassız yazılar və video sujetdəki, böhtan xarakterli fikirlər heç bir faktla sübut olunmamışdır. Əksinə, onun fəaliyyəti rəsmi dairələr və vətəndaşlar tərəfindən yüksək qiymətləndirilir. Əgər bir rəhbər həm dövlətin, həm də xalqın etimadını qazanıbsa, bu, onun dürüstlüyünün və ləyaqətinin ən böyük göstəricisidir.

Sərxan Cəlahani hər zaman deyir ki, “xalqın sağlamlığı dövlətin gələcəyidir.” O, bu fikri həyat prinsipi kimi qəbul edir və fəaliyyətinin bütün istiqamətlərini bu amal üzərində qurur. Onun fədakar fəaliyyəti sayəsində Tərtər rayonunda səhiyyə sistemi yeni inkişaf mərhələsinə qədəm qoyub.
Sonda qeyd etmək lazımdır ki, Sərxan Cəlahani təkcə bir tibb rəhbəri deyil — o, həm də dövlətə sədaqət, vətənə məhəbbət və insanlığa xidmət nümunəsidir. Onun kimi peşəkar, vicdanlı və fədakar ziyalılar Azərbaycanın bölgələrində sağlamlıq, qayğı və inam mühitinin daimi qorunmasına xidmət edirlər!

Müəllif: Mübariz Nağıyev.