Müasir Azərbaycanın inkişafında dövlətə və xalqa sədaqətlə xidmət edən, ölkənin quruculuq və abadlıq işlərinə töhfə verən sahibkarların rolu xüsusi əhəmiyyət daşıyır. Belə nüfuzlu iş adamlarından biri də “Körpü-Bina-Tikinti” MMC-nin rəhbəri İlham Əliyev tərəfindən həyata keçirilən inkişaf siyasətini daim dəstəkləyən və bu siyasətin həyata keçirilməsinə əməli fəaliyyəti ilə töhfə verən Xəlil Göyüşovdur. Onun rəhbərlik etdiyi şirkət uzun illərdir ölkəmizin tikinti sektorunda mühüm layihələrə imza ataraq Azərbaycanın sosial-iqtisadi inkişafına xidmət edir.
Xəlil Göyüşov zəhmətkeşliyi, peşəkarlığı və güclü təşkilatçılıq bacarığı ilə seçilən rəhbərlərdən biridir. O, tikinti sahəsində uzun illər qazandığı təcrübə ilə həm kollektivin, həm də işgüzar dairələrin hörmətini qazanıb. Onun rəhbərlik etdiyi “Körpü-Bina-Tikinti” MMC fəaliyyətə başladığı gündən etibarən keyfiyyətli tikinti, etibarlı infrastruktur və müasir yanaşma prinsiplərinə sadiq qalaraq ölkənin müxtəlif bölgələrində mühüm layihələrin icrasında iştirak edib.
Son illərdə Azərbaycanda həyata keçirilən genişmiqyaslı quruculuq işləri ölkənin simasını tamamilə dəyişib. Yeni yollar, körpülər, sosial obyektlər və yaşayış kompleksləri tikilir. Bu inkişafın əsasını isə dövlət başçısı İlham Əliyev tərəfindən həyata keçirilən məqsədyönlü siyasət təşkil edir. Həmin siyasətin nəticəsi olaraq ölkənin bütün bölgələrində müasir infrastruktur qurulur və iqtisadi inkişaf daha da sürətlənir. Xəlil Göyüşov da rəhbərlik etdiyi şirkətlə bu böyük inkişaf prosesində fəal iştirak edən sahibkarlardandır.
“Körpü-Bina-Tikinti” MMC-nin gördüyü işlər Azərbaycanın tikinti sektorunda mühüm əhəmiyyət daşıyır. Şirkət müxtəlif layihələrdə iştirak edərək yolların, körpülərin və digər mühüm infrastruktur obyektlərinin tikintisində öz peşəkarlığını göstərib. Xəlil müəllim hər bir layihəyə böyük məsuliyyətlə yanaşır və görülən işlərin keyfiyyətli olmasına xüsusi diqqət yetirir.
Xəlil Göyüşovun rəhbər kimi fərqləndirən əsas xüsusiyyətlərindən biri də kollektivə göstərdiyi diqqət və qayğıdır. O, işçilərin sosial rifahını daim diqqətdə saxlayır, onların rahat və təhlükəsiz şəraitdə çalışması üçün lazımi addımlar atır. Onun rəhbərliyi altında formalaşan kollektiv həm peşəkarlıq, həm də birlik baxımından nümunəvi kollektivlərdən biri hesab olunur.
Xəlil müəllim yalnız uğurlu sahibkar deyil, eyni zamanda yüksək mənəvi dəyərlərə sahib bir insandır. O, daim xeyriyyəçilik fəaliyyətinə xüsusi önəm verir, ehtiyacı olan insanlara yardım etməyi özünə mənəvi borc hesab edir. Şəhid ailələrinə, qazilərə və aztəminatlı ailələrə göstərdiyi diqqət və qayğı onun humanist və vətənpərvər mövqeyini bir daha sübut edir. Bu xüsusiyyətlər isə cəmiyyət tərəfindən böyük rəğbətlə qarşılanır.
Azərbaycanın ərazi bütövlüyünün bərpasından sonra ölkəmiz yeni inkişaf mərhələsinə qədəm qoyub. Qarabağ və Şərqi Zəngəzur bölgələrində həyata keçirilən genişmiqyaslı bərpa və yenidənqurma işləri ölkənin ən mühüm layihələrindən biridir. Bu prosesdə tikinti sektorunun rolu xüsusilə böyükdür. Xəlil Göyüşov kimi təcrübəli rəhbərlərin fəaliyyəti bu quruculuq prosesinə mühüm töhfələr verir. O, hər zaman dövlətimizin maraqlarını və milli dəyərlərini yüksək tutaraq fəaliyyət göstərir.
Xəlil Göyüşov rəhbərlik etdiyi şirkətdə müasir texnologiyaların tətbiqinə də böyük diqqət ayırır. Tikinti sahəsində yeni yanaşmaların və innovativ üsulların tətbiqi görülən işlərin keyfiyyətini daha da artırır. Bununla yanaşı, o, əməkdaşlarının peşəkar inkişafını da daim diqqətdə saxlayır, onların bilik və bacarıqlarının artırılması üçün müxtəlif imkanlar yaradır.
Onun rəhbərlik etdiyi “Körpü-Bina-Tikinti” MMC bu gün ölkənin tikinti sektorunda etibarlı və nüfuzlu şirkətlərdən biri kimi tanınır. Bu uğurun arxasında isə Xəlil Göyüşovun zəhməti, məsuliyyətli yanaşması və düzgün idarəçilik prinsipləri dayanır. O, hər bir layihənin yüksək səviyyədə icra olunması üçün daim nəzarət və diqqət göstərir.
Xəlil müəllim həm də sadəliyi və səmimiyyəti ilə seçilən insanlardandır. Onu tanıyanlar yaxşı bilirlər ki, o, hər zaman insanlara hörmətlə yanaşır, onların problemlərinə həssaslıqla yanaşır. Bu xüsusiyyətlər onun cəmiyyətdə böyük nüfuz qazanmasına səbəb olub.
Bu gün Azərbaycanda sahibkarlığın inkişafı dövlət tərəfindən xüsusi diqqət və qayğı ilə əhatə olunur. Dövlət başçısı İlham Əliyev tərəfindən sahibkarlığın inkişafına verilən dəstək ölkədə yeni layihələrin həyata keçirilməsinə geniş imkanlar yaradır. Xəlil Göyüşov da bu imkanlardan istifadə edərək ölkə iqtisadiyyatının inkişafına töhfə verən sahibkarlardan biridir.
Gələcəyə böyük inamla baxan Xəlil müəllim bundan sonra da Azərbaycanın inkişafı naminə yeni layihələr həyata keçirməyi qarşısına məqsəd qoyub. Onun rəhbərlik etdiyi kollektiv dövlətə və xalqa sədaqətlə xidmət etmək prinsipi ilə fəaliyyətini davam etdirir.
Xəlil Göyüşov kimi vətənpərvər, zəhmətkeş və məsuliyyətli sahibkarların fəaliyyəti cəmiyyətimiz üçün örnəkdir. Onun gördüyü işlər, həyata keçirdiyi layihələr və xeyriyyə təşəbbüsləri Azərbaycan sahibkarlarının dövlətə və xalqa xidmət missiyasını layiqincə yerinə yetirdiyini göstərir.
Sonda isə “Körpü-Bina-Tikinti” MMC-nin rəhbəri Xəlil Göyüşovu və rəhbərlik etdiyi kollektivi qarşıdan gələn mübarək Ramazan bayramı və Novruz bayramı münasibətilə səmimi qəlbdən təbrik edir, onlara möhkəm cansağlığı, ailə səadəti, işlərində yeni nailiyyətlər və bol ruzi-bərəkət arzulayırıq. Qoy bu müqəddəs və milli bayramlar hər bir ocağa sevinc, firavanlıq və xoşbəxtlik gətirsin!

Şamil Cəfər
Azərbaycan Yazıçılar və Jurnalistlər Birliyinin üzvü,
“Qızıl Qələm” mükafatçısı
“Ulusestv.az”-ın rəhbəri