
Heydər Əliyev Fondunun vitse-prezidenti Leyla Əliyeva və Alyona Əliyeva Üzeyir Hacıbəyli XVIII Beynəlxalq Musiqi Festivalı çərçivəsində keçirilən “Rezonans və İrs” adlı konsert proqramında iştirak ediblər.
“Qafqazinfo” xəbər verir ki, Alyona Əliyeva sosial şəbəkə hesabında konsertdən fotolar paylaşaraq bu sözləri yazıb:
“Üzeyir Hacıbəyli XVIII Beynəlxalq Musiqi Festivalı çərçivəsində gənc və istedadlı balalarımızın musiqi ifaları, eləcə də unudulmaz rəqs çıxışları ilə yadda qalan “Rezonans və İrs” adlı konsert proqramı baş tutdu.
Tədbir zamanı Nine Senses Yaradıcılıq Mərkəzində Türkiyə Respublikasından dəvət olunmuş şüşə sənətçisi Nasuf Cömert öz əsrarəngiz sənət əsərlərinin hazırlanma prosesini nümayiş etdirərək bizi və balaca dostlarımızı bu qədim və incə sənətin sirləri ilə tanış etdi”.