Sabunçu Rayon Polis İdarəsinin rəisi, polis polkovniki Cavid Muradov Azərbaycan hüquq-mühafizə orqanlarında öz peşəkarlığı, prinsipiallığı və dövlətə sədaqəti ilə seçilən nümunəvi rəhbərlərdən biridir. Onun uzun illərə söykənən xidmət yolu, qazandığı təcrübə və əldə etdiyi nailiyyətlər bir daha sübut edir ki, o, üzərinə düşən vəzifəni yüksək məsuliyyət hissi ilə yerinə yetirən, qanunun aliliyini daim qoruyan bir zabitdir.
Cavid Muradovun rəhbərliyi ilə Sabunçu rayonunda ictimai asayişin qorunması, cinayətkarlıqla mübarizə və vətəndaşların təhlükəsizliyinin təmin olunması istiqamətində mühüm uğurlar əldə olunmuşdur. O, polis fəaliyyətinin əsas prinsiplərindən olan qanunçuluq, humanizm və vətəndaş məmnunluğunu daim ön planda saxlayaraq, idarənin işini müasir tələblərə uyğun şəkildə təşkil etmişdir. Onun rəhbərliyi altında həyata keçirilən tədbirlər nəticəsində rayon ərazisində sabitlik və əmin-amanlıq daha da möhkəmlənmişdir.
Polis polkovniki Cavid Muradov hər zaman şəxsi heyətin peşə hazırlığına xüsusi diqqət yetirir. O, əməkdaşların bilik və bacarıqlarının artırılması, onların operativ və effektiv fəaliyyət göstərməsi üçün mütəmadi olaraq maarifləndirici tədbirlərin keçirilməsinə önəm verir. Bu yanaşma nəticəsində Sabunçu Rayon Polis İdarəsinin kollektivi öz üzərinə düşən vəzifələri yüksək səviyyədə yerinə yetirən peşəkar heyət kimi formalaşmışdır.
Azərbaycan Respublikasında hüquq-mühafizə sisteminin inkişafı və gücləndirilməsi məhz ölkə Prezidenti İlham Əliyev cənablarının həyata keçirdiyi uğurlu siyasətin nəticəsidir. Dövlət başçısının rəhbərliyi ilə ölkədə sabitliyin qorunması, vətəndaşların təhlükəsizliyinin təmin edilməsi və qanunun aliliyinin bərqərar olunması istiqamətində ardıcıl və məqsədyönlü addımlar atılır. Bu siyasətin həyata keçirilməsində hüquq-mühafizə orqanlarının üzərinə böyük məsuliyyət düşür.
Eyni zamanda, Azərbaycan Respublikasının Daxili İşlər Naziri Vilayət Eyvazov cənablarının rəhbərliyi ilə polis orqanlarında aparılan islahatlar, intizamın gücləndirilməsi və xidmətin müasir standartlara uyğun təşkili sahəsində mühüm nailiyyətlər əldə edilmişdir. Cavid Muradov da bu siyasəti rəhbər tutaraq, öz fəaliyyətində daim yüksək nəticələrə nail olmağa çalışır və rəhbərliyin etimadını layiqincə doğruldur.
Cavid Muradovun fəaliyyəti yalnız cinayətkarlıqla mübarizə ilə məhdudlaşmır. O, eyni zamanda vətəndaşlarla sıx ünsiyyət qurmağa, onların müraciətlərini diqqətlə dinləməyə və problemlərinin həllinə operativ yanaşmağa xüsusi önəm verir. Onun rəhbərliyi ilə keçirilən qəbul günləri, yerlərdə təşkil olunan görüşlər və maarifləndirici tədbirlər polis-vətəndaş münasibətlərinin daha da möhkəmlənməsinə xidmət edir.
Polis polkovniki Cavid Muradov sosial həssas qruplara göstərdiyi diqqət və qayğı ilə də seçilir. Şəhid ailələri, qazilər və aztəminatlı vətəndaşlar daim onun diqqət mərkəzindədir. O, bu kateqoriyadan olan insanlara həm mənəvi, həm də mümkün olan hallarda maddi dəstək göstərərək, dövlətin sosial siyasətinə öz töhfəsini verir. Bu isə onun yüksək insani keyfiyyətlərə malik bir rəhbər olduğunu bir daha nümayiş etdirir.
Onun rəhbərliyi ilə Sabunçu rayonunda profilaktik tədbirlər daha da gücləndirilmiş, gənclər arasında hüquqi maarifləndirmə işləri genişləndirilmişdir. Məktəblərdə, müxtəlif ictimai yerlərdə keçirilən görüşlər nəticəsində gənclərin hüquq bilikləri artırılmış, onları zərərli vərdişlərdən uzaq tutmaq istiqamətində mühüm işlər görülmüşdür. Bu fəaliyyət gələcəkdə daha sağlam və hüquqazidd hallardan uzaq bir cəmiyyətin formalaşmasına xidmət edir.
Cavid Muradovun idarəçilik üslubu tələbkarlıq və qayğıkeşliyin vəhdəti ilə xarakterizə olunur. O, əməkdaşlardan yüksək nəticə tələb etməklə yanaşı, onların sosial rifahına da diqqət yetirir, kollektivdə sağlam və mehriban iş mühitinin formalaşmasına çalışır. Bu isə öz növbəsində xidmətin keyfiyyətinə müsbət təsir göstərir.
Bütün bu keyfiyyətlər Cavid Muradovu yalnız peşəkar polis zabiti kimi deyil, həm də dövlətinə, xalqına bağlı, yüksək mənəvi dəyərlərə malik bir şəxsiyyət kimi xarakterizə edir. Onun fəaliyyəti Azərbaycan polisinin şərəfli ənənələrinin davam etdirilməsinə və daha da inkişaf etdirilməsinə xidmət edir.
Sonda polis polkovniki Cavid Muradovu və rəhbərlik etdiyi kollektivi müqəddəs Ramazan bayramı və Novruz bayramı münasibətilə ürəkdən təbrik edir, onlara möhkəm can sağlığı, xidmətdə uğurlar, ailələrinə xoşbəxtlik, süfrələrinə bolluq və bərəkət arzulayıram. Bayramlarınız mübarək olsun!

Şamil Cəfər
AYB və AJB-nin üzvü
“Qızıl qələm” mükafatçısı