"ABŞ hakimiyyəti Kubaya qarşı düşmənçilik siyasəti yürüdür və Havanaya heç nəyi zorla qəbul etdirə bilməz".

Oxu.Az NBC-yə istinadən xəbər verir ki, bunu Kuba Prezidenti Migel Dias-Kanel deyib.

"Rəsmi Vaşinqton mənim istefamı tələb etmək hüququna malik deyil. Dövlət başçısı postunda qalıb-qalmayacağıma yalnız ölkə sakinləri qərar verə bilərlər. Kuba xalqı mənim vəzifələrimi yerinə yetirə bilmədiyim qənaətinə gələrsə, prezident postunu tərk edəcəyəm. Lakin ABŞ bizə heç nəyi zorla qəbul etdirə bilməz", - deyə ölkə lideri bildirib.

Kuba liderinin istefasının ABŞ lideri Donad Tramp üçün simvolik bir qələbə olacağı iddia edilir.