Sosial şəbəkələrdə sürətlə yayılan möcüzəvi reseptlər diqqət çəkir. Bir neçə günə arıqladan, bütün xəstəlikləri sağaldan, dərmansız müalicə vəd edən bu videoların arxasında isə çox vaxt süni intellekt dayanır.



Sehiyye.info xəbər verir ki, bu barədə Baku TV-nin videomaterialında deyilir.



Artıq texnologiya o qədər inkişaf edib ki, süni intellekt vasitəsilə hazırlanan videolar real həkim məsləhəti təsiri bağışlayır. Səslər, görüntülər, hətta ekspert kimi təqdim olunan simalar belə tam süni şəkildə yaradılır.



Mütəxəssislər bildirirlər ki, bu cür reseptlər elmi əsaslara söykənmir. Hər hansı xəstəlik və ya qidalanma rejimi fərdi yanaşma tələb edir. Sosial mediada yayılan bu standart məsləhətlər bəzən əks-təsir göstərərək sağlamlığa zərər verə bilər.