Xezertv.info xəbər verir ki, tədbirdə Özbəkistan, Azərbaycan, Qazaxstanın Veteran təşkilatlarının nümayəndə heyətləri iştirak etdilər. Görüşdə Özbəkistan Respublikasının Veteranlar və Əlillər İctimai Birliyi "Veteran" təşkilatının sədri Tələt Muradov, sədr müavini, ehtiyatda olan polkovnik Rustam Salimov, Özbəkistan Silahlı Qüvvələrinin ehtiyatda olan polkovnik-leytenantı, şair Turamırza Oripov, "Veteran" təşkilatı sədrinin məsləhətçisi, ehtiyatda olan mayor Nuriddin Mamatov, Azərbaycan Vətən Müharibəsi Veteranları İctimai Birliyi sədrinin Beynəlxalq məsələlər üzrə müavini, "Azərbaycan bayrağı" ordenli, müharibə veteranı ehtiyatda olan polkovnik Elmar Hüseynov, müharibə veteranı, ehtiyatda olan polkovnik Tahir Yusifov, müharibə veteranı, ehtiyatda olan kapitan Bəyanət Qasımov, Qazaxstan Respublikasından "Tacikistan-Əfqanıstan sərhəddində döyüş əməliyyatları iştirakçıları" İctimai Birliyinin sədri Murat Muxamedjanov, sədr müavini Nurpolad Ayğan iştirak etdilər. Qonaqları Özbəkistanın "Veteran" təşkilatının sədri Tələt Muradov səmimi salamladı. O, Türk Dövlətləri Müharibə Veteranlarının birgə əməkdaşlığı və fəaliyyətini yüksək qiymətləndirdi. AVMVİB sədrinin beynəlxalq məsələlər üzrə müavini polkovnik Elmar Hüseynov AVMVİB-nin sədri Füzuli Rzaquliyevin və Azərbaycan veteranlarının salamlarını görüş iştirakçılarına çatdırdı. Qazaxstan veteranlarının sədri Murat Muxamedjanov qonaqları salamlayaraq görüş iştirakçılarına müvəffəqiyyətlər arzuladı. İşgüzar görüşdə müharibə veteranlarının cəmiyyətdə aktiv fəaliyyəti, qayğıları və həll yolları müzakirə edildi. Təcrübə mübadiləsi aparıldı. Tarixi işgüzar görüşün sonunda Özbəkistan, Azərbaycan, Qazaxstan Veteran təşkilatları arasında "Əməkdaşlıq Memorandumu" imzalandı. Özbəkistan Respublikasının "Veteran" təşkilatının sədri Tələt Muradov və digər fəal veteranlar Qazaxstan Respublikasının Veteranları adından "TURAN" medalı ilə təltif olundular. Azərbaycan Vətən Müharibəsi Veteranları İctimai Birliyinin "Turan yolu" Fəxri Diplomu Özbəkistan Respublikasının "Veteran" təşkilatının sədri Tələt Muradov təltif olundu. Ona AVMVİB-nin Xatirə bayrağı və Türk Dövlətləri Təşkilatının bayrağı hədiyyə edildi. Özbəkistan Respublikasının "Veteran" təşkilatının sədri Tələt Muradov çıxış edərək qeyd etdi ki, Özbəkistan Respublikasının "Veteran" təşkilatı 1994-cü ildə yaranıb. Bayram münasibətilə təşkilatın 30 illik Yubiley medalı təsis edilib. 30 illik Yubiley medalı ilə "Veteran" təşkilatının üzvləri və fəxri qonaqlar təltif olunurlar. İdarə heyətinin qərarı ilə Azərbaycan veteranları AVMVİB-nən sədri Füzuli Rzaquliyev, sədr müavini polkovnik Elmar Hüseynov, müharibə veteranı kapitan Bəyanət Qasımov, müharinə veteranı polkovnik Tahir Yusifov, Qazaxıstan veteranlarının sədri Murat Muxamedjanov, müavini Nurpolad Ayğan, xanım Zalına Muxamedjanova, Özbəkistan Silahlı Qüvvələrinin veteranı, polkovnik-leytenant, şair Turamırza Oripov Vetetan təşkilatının 30 illik Yubiley medalı ilə təltif olundular. Tarixi qardaşlıq görüşünün sonunda veteranlar birgə xatirə fotosu çəkdirdilər.

Fərid Faiqoğlu Səfərov