Qazaxıstan Prezidenti Kasım-Jomart Tokayev Amerika lideri Donald Trampın adına xüsusi mükafat təsis etməyi təklif edib.

“Qafqazinfo” xəbər verir ki, Tokayev bu barədə Sülh Şurasının ilk iclası zamanı bildirib.

“Mən onun sülh quruculuğundakı müstəsna səylərinin və nailiyyətlərinin tanınması üçün Prezident Trampın adına Sülh Şurasının xüsusi mükafatının təsis edilməsini təklif etmək istərdim”, - Qazaxıstan lideri deyib.

Tokayev əlavə edib ki, Trampın rəhbərliyi altında Sülh Şurası öz missiyasını uğurla yerinə yetirə bilər.