Macarıstanın yeni Baş naziri Peter Madyar ölkədə uzun illərdir qüvvədə olan fövqəladə vəziyyət rejiminin ləğv edildiyini açıqlayıb.

“Qafqazinfo”nun xəbərinə görə, o, sosial şəbəkə hesabında paylaşdığı açıqlamada bildirib ki, ölkədə tətbiq olunan “müharibə dövrü fövqəladə vəziyyəti” başa çatır.

Peter Madyar həmçinin əvvəlki hökumətin tətbiq etdiyi “fərman əsaslı idarəetmə” sisteminə də son verildiyini vurğulayıb: “Normal vəziyyətə qayıdırıq”.

Qeyd edək ki, Viktor Orban hökuməti ilk dəfə 2020-ci ildə COVID-19 pandemiyası səbəbindən fövqəladə vəziyyət elan etmişdi. Daha sonra bu rejim 2022-ci ildə Ukraynadakı müharibə əsas gətirilərək uzadılmışdı.