Müğənni İzzət Bağırov bacısı qızı, xanəndə Almaxanım Əhmədlinin toyunu niyə tez tərk etməsinə aydınlıq gətirib.

Bu barədə ifaçı "Həftənin qonağı" verilişində danışıb. O, vurğulayıb ki, toyun olacağından xəbəri olmayıb:

Reklamınızı SmartBee ilə effektiv edin.
"Bu sualı Almaxanıma verin. Mənim heç toydan xəbərim yox idi. Toy danışılmışdı, ondan sonra bildim ki, məclisdir. Bacım mənə zəng vuranda, söylədim ki, bəs bunu mənə deyin də. Axı mən toy danışmışam. Mən də toy yiyəsinə dedim ki, behinizi ikiqat qaytarım mənim bacım qızının toyudur, orada iştirak etməliyəm. Cavab verdi ki, yox, əhdim var. Bəyin atasının toyunda mən oxumuşdum. O, da deyib ki, 26 il əvvəl toyumda sən oxumusan, indi də oğlumun şad günüdür, sən ifa etməlisən. Elə toylar çox olur, kiçik məclisində oxumuşam, böyük toyuna çağırırlar. Ya öz toyunda olmuşam, indi oğlunun məclisidir, çağırırlar. Dedi, bilirəm, Almaxanımın toyudur. Mənim qardaşımı da Vüqar Əhməd (şair, Almaxanımın atası - red.) çağırıb. Söylədi ki, icazə verərəm o toya 1 saat gedib-gələrsən, bizi incitmə. Cavab verdim ki, baş üstə.

Toy günü saat 9-da dedim ki, mən gedim. O saata qədər də dayanmadan oxumuşam ki, toy yiyəsinin gözünü yorum, ordakılar da məndən bezsinlər, gedə bilim, deməsinlər, İzzət harada qaldı, gəlmədi. Özümlə 2 ifaçı da apamışdım. Onlara dedim ki, oxuyun, gəlirəm. Maşına minib məclisə gəldim, bibaşa səhənəyə getdim. Söz verdilər, danışdım, tez oxudum, təbrik etdim, qohumlarla görüşdüm, qayıtdım. 15 dəqiqə oxudum, 35-40 dəqiqə toyda oldum. Hamı da qohum, tanış çoxdur, onlarla görüşdüm. Bir də gördüm ki, artıq çıxmalıyam. Vüqarla aramız pis deyildi, amma bilmirəm toyu niyə Elçin Hüseynov apardı. İstəkləri elə olub ki, o aparsın. Nə deyə bilərəm? Aramız pis olsa, toya getməzdim. Sadəcə mənə deməmişdilər. Söylədiklər Elçin aparacaq məclisi. Elçin deyib ki, aparıcı mən olacağam, onun bir dayısı da mənəm. Mən də müdaxilə etmədim.

İncimədim, ürəkləri belə istəyib. Güclə deyə bilmərəm ki, toyu mən aparım. Hamı danışdı bu barədə, amma günahkar mən deyildim. Mən heç vaxt onların işinə qarışmamışam. Tahirə (İzzətin bacısı oğlu - red.) qarışa bilərəm, çünki ona atalıq etmişəm. Amma Almaxanıma qarışa bilmərəm. Birincisi atası var, ikincisi də həyat yoldaşı. Bütün işlərini atası həll edir. Bir ara o atasız heç yerə getmirdi. İndi həyat yoldaşı Murad onu əvəz edir. Onların sənət, özəl həyatlarına müdaxilə etmirəm. Belə şeyləri xoşlamıram. Mənim himayəmdə olmayan adamın işinə qarışa bilmərəm".//Axşam.az