8 noyabr Zəfər Günü Azərbaycan xalqının şanlı tarixinə yazılan qəhrəmanlıq salnaməsidir, yaddaşımızdan silinməyəcək bir tarixdir. 2020-ci ildə Azərbaycan tarixinin ən şərəfli günlərini yaşadı. Düz beş il bundan əvvəl Azərbaycan xalqının tarixində yeni dövr başlandı. Müzəffər Ali Baş Komandanın rəhbərlik etdiyi şanlı Qəhrəman Ordumuz Vətən Müharibəsinin 44 günündə misilsiz Qələbə qazandı! Torpaqlarımızın 30 illik işğalına son qoyuldu və Vətənimizin ərazi bütövlüyü bərpa edildi!
Bizə qurur dolu bu tarixi bəxş edən Dövlətimizə, yenilməz Azərbaycan Ordusuna Vətən uğrunda canından keçən Şəhidlərimizin ruhuna əbədi borcluyuq. Ordumuzun şüçaəti ilə qürur duyuruq! Bu, həm tarix, həm ədalət, həm də milli ləyaqət uğrunda qazanılmış Qələbədir.
Prezident, Müzəffər Ali Baş Komandan İlham Əliyevin rəhbərliyi ilə Azərbaycan Ordusu qəhrəmanlıq salnaməsi yazaraq, Prezidentin səsləndirdiyi “Xoşbəxt adamam ki, ata vəsiyyətini yerinə yetirdim. Şuşanı azad etdik! Bu, böyük Qələbədir! Şəhidlərimizin, Ulu Öndərin ruhu şaddır bu gün! Gözün aydın olsun Azərbaycan! Gözünüz aydın olsun dünya Azərbaycanlıları!” “Əziz Şuşa, sən azadsan!, “Əziz Şuşa biz qayıtmışıq!, “Əziz Şuşa biz səni dirçəldəcəyik!, “Şuşa bizimdir!, “Qarabağ bizimdir!, “Qarabağ Azərbaycandır!” sözləri Azərbaycan tarixinin ən unudulmaz anına çevrildi.
Bu gün Ulu Öndərimiz Heydər Əliyevin ruhu şaddır. Çünki onun illər öncə başlatdığı Qarabağ savaşı məntiqi sonluğuna çatıb, şanlı Zəfərlə yekunlaşıb. Azərbaycan xalqı əmindir ki, bu zəfərlərin davamı gələcək, Prezident İlham Əliyevin liderliyi ilə yeni-yeni uğur zirvələri fəth ediləcək.
Xalqımız Azərbaycan Prezidentinin qurub yaratmaq əzminin, Vətən müharibəsində olduğu kimi, quruculuq işlərində də sonsuz qətiyyət və əzmkarlığının şahididir. Şanlı Zəfərdən Böyük Qayıdışa doğru inamlı addımlar atılır, doğma Qarabağımıza yenidən həyat qayıdır. Artıq minlərlə ailənin azad edilmiş şəhər və kəndlərə qayıdışı təmin olunub.
Ölkəmizdə Qarabağ müharibəsi əlillərinə, veteranlarına və şəhid ailələrinə göstərilən qayğı təqdirəlayiqdir. Bu sahədə çalışan Həmkarlar təşkilatlarıda daha aktiv olmalı və dövlətin bu sahədə yürütdüyü siyasətdə fəal iştirak etməlidir.
Azərbaycan Həmkarlar İttifaqları Konfederasiyası və onun üzv təşkilatları birinci Qarabağ müharibəsi dövründə olduğu kimi, Vətən müharibəsi dövründə də şanlı ordumuza, əsgər və zabitlərimizə, eyni zamanda arxa cəbhədə fəaliyyət göstərən vətəndaşlarımıza maddi və mənəvi cəhətdən dəstək vermək üçün bir sıra tədbirlər həyata keçirmişdir.
Qeyd etmək istərdim ki, "Shirvan Operating Company LTD" Şirkətində çalışan işçilərdən ümumilikdə 63 işçi Qarabağ müharibəsində iştirak etmişdir. Onlardan birinci Qarabağ müharibəsində 40, İkinci Qarabağ müharibəsində 23 işçi iştirak etmişdir. Şirkətimiz tərəfindən 5 şəhid ailəsi himayəyə götürülmüşdür. Bundan sonra da müharibə iştirakçılarının, veteranlarının və əlillərinin, həyat şəraitinin, güzəranlarının daha da yaxşılaşdırılması istiqamətində görülən işlər davam etdiriləcəkdir.
Şəhid ailələri və qazilər həyatlarının hər bir anında Prezident İlham Əliyevin və Birinci vitse-prezident Mehriban xanım Əliyevanın diqqət və qayğısını hiss edirlər. Ölkəmizin ərazi bütövlüyü, torpaqlarımızın işğaldan azad edilməsi uğrunda şücaət göstərən qazilərə, bu yolda canını fəda edən qəhrəmanlarımızın ailələrinə diqqət və qayğı ilə yanaşmaq hər birimizin borcudur.
Bu baxımdan, Şirvan Şəhər İcra Hakimiyyətinin başçısı hörmətli İlqar Abbasov Şirvan şəhərində mütəmadi olaraq şəhid ailələri və müharibə iştirakçılarının qayğıları ilə maraqlanılır, onlarla fərdi görüşlər keçirilir və sosial qayğıları ilə yaxından tanış olur, onlara xüsusi diqqət göstərilir.
Ulu Öndər Heydər Əliyevin apardığı uzaqgörən siyasəti uğurla davam etdirən cənab Prezident İlham Əliyevin əzmi, atdığı müdrik və qətiyyətli addımlar sayəsində regionda sülh və sabitlik təmin edildi, həm ölkəmiz həm də region xalqları üçün yeni perspektivlər yarandı. Müzəffər Ali Baş Komandan və rəşadətli Azərbaycan Ordusu tarixi qələbə ilə Azərbaycan tarixində yeni səhifə açdılar. 44 günlük Vətən müharibəsində əldə olunan tarixi Qələbə bizim milli qürur mənbəyimiz, çox şərəfli tariximizdir.
Azərbaycan Respublikasının Dövlət bayrağı xəzərin sahilində Dövlət Bayrağı Meydanının yaradılması da Prezident İlham Əliyevin dövlət atributlarına olan yüksək ehtiramının ən gözəl nümunəsidir.
Azərbaycan əsgəri də Vətənin suverenliyinin və ərazi bütövlüyünün qorunması ilə bağlı ali missiyanı öz üzərinə götürərkən üçrəngli bayrağa and içir. Düşmənə göz dağı olan mübarək Bayrağımız ölkəmizin hər yerində qürurla dalğalanır.
30 illik münaqişəni 44 günə sona çatdıran bu qısa müharibə dünya hərb tarixinə misli görünməmiş savaş kimi yazıldı. Azərbaycan Ordusunun gücünü, Azərbaycan xalqının qüdrətini bəşəriyyətə sübut etdi. Ona görə 44 günlük qəhrəmanlıq savaşımız tarix boyu şanlı qürur mənbəyimiz olaraq qalacaqdır. Azərbaycanı qalib dövlət, Azərbaycan xalqını isə qalib xalq səviyyəsinə yüksəltdi. Bu qürur, bu Zəfər və bu Suverenlik əbədi olacaq.
Şəhidlik Vətənə məhəbbətin zirvəsidir. Şəhidlik Vətən, Torpaq böyük amallar uğrunda candan keçmək, özünü şüurlu şəkildə qurban vermək deməkdir. Şəhidlik verilmiş ömür payını gələcək nəsillərin xoşbəxtliyinə bağışlamaqdır. Vətən yolunda şəhidlik əsl qeyrət, hünər, şərəf və ləyaqət zirvəsidir.
Azad torpaqlarda xoşbəxt anlar yaşamağımız üçün canını fəda edən Vətən oğullarının müqəddəs ruhu qarşısında baş əyirik. Hər bir şəhid ailəsi qəhrəmanlarımızın bizlərə əmanətidir. Şəhidlərimizə Uca Allahdan rəhmət, ailələrinə səbr, qazilərimizə şəfa diləyirəm.
Zəfərin mübarək, Azərbaycan! Yaşasın Müzəffər Ali Baş Komandan! Var olsun Rəşadətli Azərbaycan Ordusu! Müstəqilliyimiz əbədi, Üçrəngli Bayrağımız daim ən ucalarda dalğalansın!
Azərbaycan xalqı olaraq bu gün biz fəxr edirik ki, bizim güclü müzəffər ordumuz və İlham Əliyev kimi Ali baş komandanımız var.
Zəfərin mübarək, Azərbaycan!

“Shirvan Operating Company Ltd” Şirkətinin Azərbaycan Respublikasındakı Filialı Həmkarlar İttifaqı Komitəsinin sədri
Məmmədov Taleh