Bakıda piyada ölümü ilə nəticələnən yol qəzası baş verib.

Hadisə paytaxtın Nəsimi rayonu, Rəşid Behbudov küçəsində qeydə alınıb.

Belə ki, Şamaxı rayon, Sündlü kənd sakini, 1972-ci il təvəllüdlü Ağababayev Qəhrəman Ağarza oğlu Nəsimi rayon İcra Hakimiyyətinə məxsus idarə etdiyi “İveco Euro Cargo” markalı, 99-JF-567 dövlət qeydiyyat nişanlı özüyükboşaldan maşın ilə yolu keçmək istəyən Bakı şəhər sakini Kərimli Cümşüd Cəmil oğlunu vurub.

Piyada aldığı xəsarətlərdən dünyasını dəyişib.

Faktla bağlı Nəsimi RPİ-də Azərbaycan Respublikasının CM-nin 263.2-ci maddəsi ilə cinayət işi açılıb.