Bu gün “Avtopilot” MMC-nin rəhbəri, nümunəvi ictimai xadim, xeyirxah insan İqrar Həsənovun 58 yaşı tamam olur. Bu tarix təkcə bir doğum günü deyil, həm də fədakar bir ömür yolunun, Vətənə və xalqına sədaqətlə xidmət edən bir insanın həyatında önəmli bir mərhələdir.
İqrar Həsənov illər ərzində yalnız bir idarəçi kimi deyil, həm də milli dəyərləri, dövlətçiliyi və insanlıq prinsiplərini həyatının əsas istiqaməti kimi qəbul edən şəxsiyyət kimi tanınıb. Bu uğurların arxasında isə İqrar müəllimin işinə məsuliyyətli, dəqiq və vicdanlı yanaşması dayanır.
O, həm işgüzar fəaliyyəti, həm də vətəndaşlıq mövqeyi ilə hər zaman dövlətin yanında olub. Müzəffər Ali Baş Komandan, Prezident cənab İlham Əliyevin həyata keçirdiyi siyasəti qətiyyətlə dəstəkləyən İqrar Həsənov ölkə rəhbərinin rəhbərliyi ilə Azərbaycanın qazandığı uğurları qürur hissi ilə izləyir. O, inamla bildirir ki, Prezident İlham Əliyevin həyata keçirdiyi siyasət Azərbaycanın gücünü, nüfuzunu və sabitliyini möhkəmləndirən əsas amildir.
İqrar Həsənov üçün vətənpərvərlik yalnız sözlə deyil, əməli fəaliyyətlə ölçülür. O, hər zaman şəhid ailələrinə, qazilərə, müharibə veteranlarına xüsusi diqqət və qayğı göstərir. Onun bu yöndə atdığı addımlar, etdiyi xeyirxah işlər təkcə insanlıq borcu deyil, həm də bir vətəndaşlıq missiyasıdır. Şəhid ailələrinin yanında olmaq, qazilərin ehtiyaclarını təmin etmək, onların həyatına bir damla sevinc qatmaq – İqrar müəllimin həyat fəlsəfəsinin ayrılmaz hissəsidir.
Onun rəhbərlik üslubu da nümunəvidir: ədalətli, qayğıkeş və tələbkar. İşçilərinə qarşı səmimi münasibəti, onların sosial rifahına göstərdiyi diqqət sayəsində “Avtopilot” MMC kollektivində dostluq, həmrəylik və yüksək işgüzarlıq mühiti formalaşıb.
58 yaş insan ömrünün elə bir mərhələsidir ki, həm toplanan təcrübə, həm də formalaşmış həyat prinsipləri bir amal ətrafında birləşir: xalqa xidmət və dövlətə sədaqət. İqrar Həsənov da məhz bu amalın daşıyıcısıdır. O, bu yaşa qədər qazandığı hörməti dürüstlüyü, sadəliyi və səmimiyyəti ilə qazanıb.
Bu münasibətlə İqrar Həsənovu doğum günü münasibətilə ürəkdən təbrik edirik! Ona uzun ömür, möhkəm cansağlığı, ailə səadəti və yeni uğurlar arzulayırıq. Qoy qarşıdakı illəri də indiki kimi vətənə, dövlətə və insanlığa xidmətlə dolu olsun.
58 yaş – kamillik, müdriklik və həyat təcrübəsinin vəhdətidir.
İqrar Həsənov isə bu kamilliyi, müdrikliyi və insanlığı hər addımında nümayiş etdirən bir şəxsiyyətdir.
Təbriklər, İqrar müəllim! Qoy ömrünüzün hər günü uğurlu, sağlam və fərəhli olsun.

Hörmətlə,
Şamil Cəfər

AYB və AJB-nin üzvü,
Fərid Faiqoğlu
AJB-in üzvü

“Xezertv.info”, “Ulusestv.az”, “Zeferyolu.az” və “Merhemet.tv”-nin redaksiya heyəti