Malayziyanın Kuala Lumpur Beynəlxalq Hava Limanı yaxınlığında avtobus qəzası baş verib.
ulusestv.az AZƏRTAC -a istinadla bildirir ki, qəza nəticəsində 10 nəfər həlak olub, 33 nəfər müxtəlif dərəcəli xəsarətlər alıb.
Qəzaya səbəb avtobus sürücüsünün idarəetməni itirməsi olub. Nəticədə avtobus su kanalına yuvarlanıb.
Hadisə yerinə xilasedicilər cəlb olunub. Yaralılar xəstəxanalara çatdırılıb.
Faktla bağlı araşdırma aparılır.