Azərbaycanda müşahidə olunan faktiki hava açıqlanıb.

Milli Hidrometeorologiya Xidmətindən “Qafqazinfo”ya verilən məlumata əsasən, ölkə ərazisinin əksər yerlərində yağıntılı hava şəraiti davam edir.

Düşən yağıntının miqdarı Lerikdə 26, Yardımlı və Neftçalada 16, Lənkəranda 15, Astarada 14, Naxçıvanda 12, Ordubad, Cəlilabad və Culfada 10, Şahbuzda 7, Bakıda və Abşeron yarımadasında, eyni zamanda Cəfərxanda 6, Daşkəsən, İmişli, Kürdəmir, Biləsuvar və Şərurda 5, Sabirabad, Qobustan, Ağdam, İsmayıllı, Şamaxı, Göygöl, Gəncə, Tərtər, Göyçay, Zərdab, Beyləqan, Sədərək, Ağstafa, Goranboy, Naftalan, Ceyrançöl, Zaqatala, Altıağac, Balakən, Şəki, Qəbələ, Qusar, Xaltan, Mingəçevir, Yexlax, Bərdə və Gədəbəydə 4 mm-dək təşkil edir.

Sumqayıt, Daşkəsən, Göygöl, Gəncə, Naftalan, Şəmkir, Tovuz, Qax, Şəki, Qrız, Qusar, Tərtər, Yevlax, Göyçay, Lerik və Cəfərxanda duman müşahidə olunur, dumanda görünüş 500 m-dək məhdudlaşır.

Havanın minimal temperaturu Bakıda və Abşeron yarımadasında, o cümlədən Aran rayonlarında 16, Naxçıvan MR-də 14, dağlıq rayonlarda isə 9 dərəcəyədək isti qeydə alınıb.