Koronavirus pandemiyası ilə əlaqədar Yaponiyanın görəcəyi tədbirlər üçün ayrılacaq məbləğ ümumilikdə 230 trilyon yen (2,15 trilyon dollar) təşkil edəcək.
ulusestv.az “Qafqazinfo”ya istinadən xəbər verir ki, bu barədə Yaponiyanın Baş Naziri Şinzo Abe “NHK” telekanalına açıqlama verib: “İnfeksiyanın yayılmasının qarşısını almaq və tamamilə normal həyata qayıtmaq üçün müəyyən vaxt lazımdır. Bu, çətin bir yoldur. Müəssisələrin və iş yerlərinin qorunması ilə yanaşı hazırda yoluxmaların azaldığı bir dövrdə fürsətdən istifadə edərək, növbəti dalğaya hazırlaşmaq lazımdır”.
Abe qeyd edib ki, bu tədbirlərin sayəsində Yaponiya iqtisadiyyatını 100 ildə bir baş verən böhran zamanı qorumaq mümkün olacaq. “ÜDM-in 40% -i həcmində ayrılacaq vəsait sayəsində Yaponiya iqtisadiyyatını hər 100 ildə bir baş verən böhrandan qoruyacağıq. Burda ən vacibi yardımın çətin vəziyyətdə olanlara tez çatmasıdır”,- deyə Baş Nazir sözlərinə əlavə edib.