Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə Neftçalada Qadınların Sosial İnkişafına Dəstək İctimai Birliyi tərəfindən icra olunan “Həssas ailələrə dəstək” layihəsi davam edir.
İşçi qrupu tərəfindən fərdi görüşlərin nəticələrinin təhlili zamanı qrup terapiyası fəaliyyətinin də həyata keçirilməsinin labüdlüyü diqqətə alındı. 06 may 2022- ci il tarixində bu fəaliyyət həyata keçirildi. Psixologiya üzrə fəlsəfə doktoru Elmira xanım Mirzəyeva qrup terapiyası zamanı iştirakçılara psixoloji dəstək verdi.
Görüşdə yaddaqalan məqamlardan biri də “Azərbaycan şəhidlərinin psixoloji portreti”nin yaradılması oldu. Hər bir ananın, bacının bölüşdüyü xatirələrdən aldıq bu xüsusiyyətləri, topladıq, qeydlər apardıq və sonda... bir-birinə oxşar xüsusiyyətləri ilə ən uca zirvəni fəth edənlərimizi xarakterizə edən Psixoloji Portret yaratmağa müvəffəq olduq. Anaların bölüşdüyü xatirələrin işığında qarşıladıq onları, alqışladıq, daha yaxından tanış olduq. Bütöv bir xalqın qeyrətini, namusunu qorumaq üçün ömrünü düşünmədən fəda edənlərimizə minnətdarlıq ifadə edərək qürurlandıq...
Könlümə dolan kədəri
Ovudarmı yagışlar?
Səni köcürdûm gözümə,
Bulud, məni bagışla.

Bulud, məni baqişla ki,
Səmaya baxa bilim.
Səni qopardıgım yerə,
Yenə qaytarsın əlim...

Qaytarmasam bogulacaq
Gozlərimin yaşında,-
Fəryadımdan asılacaq
Torpagım da, daşım da.

Torpaq sirli xəzinədir
Orda şəhidlər yatır.
Buludu yerinə qoyum
Yagış gözlərdən yagır...

Daha Vətən göylərinin
Rəngi qaralmasın heç,
Tanrim, mələk gondərməyə
Mənim Vətənimi seç.

Mənim xalqım qüruruyla
Vuqarlıyla öyünər.
Yalnız şəhid qarşısında
Başı önə əyilər.

Gülqədəm Mirzəzadə
Layihə rəhbəri,
Neftçalada Qadınların Sosial İnkişafına Dəstək İctimai Birliyinin sədri