ABŞ Dövlət Departamenti qeyri-rəsmi olaraq Konqresə İsrailə 8 milyard dollarlıq silah satışı ilə bağlı məlumat verib.

“Qafqazinfo” xəbər verir ki, bu barədə “The Axios” portalı mənbələrə istinadən yazır.

“Nümayəndələr Palatasının və Senatın Xarici Əlaqələr Komitələri tərəfindən təsdiq edilməli olan silah satışına qırıcı təyyarələr üçün havadan gələn təhdidlərdən qorunmağa görə AIM-120C-8 AMRAAM hava raketləri daxildir”, - yazıda qeyd olunub.

Bundan əlavə, bildirilir ki, paketə artilleriya mərmiləri və Hellfire AGM-114 raketləri, həmçinin kiçik diametrli bombalar, JDAM dəstləri və qoruyucular daxil ola bilər.